/164/
      Жикгим.......млтью корол полски великии кнзь литвски руски кнжа пруское жемоитски и иных.

      Воеводѣ троцкому старосте моз..... пану олбрахту мартиновичу кгаштолту и иным воеводамъ троцкимъ хто и напотом будет от нас ........ держати

бил нам чоломъ воитъ жидовскии мѣста троцкого мордухай ескович со всею жи...ою троцкою o том штож дей служебники твоей млсти в домех их господами становятца и в ..... и тяжкости и шкоды великиися дѣють a перед тымъ дей за предков твоей млти слуги воевод троцких въ их домех нестоивали нижли дей коли там прибытности ншой або колисъ ем .......... тогды пановѣ и врядники нши и дворяне въ их домех становятца a не слуги пана вое ...............тепер неказали служебником твоей млти въ их домех становитися ...........ники панов воевод троцких въ их домех нестоивали Мы на их чолом бите то вчинили притом и за........ служебники воевод троцких въ их домех становитися нижли коли мы /165/ сами гдрь там будем теж колисъем у троцех будет........пановѣ врядники и дворяне нши в домех ихъ становитися потому как и перед тыи бывало и твоя бы млть вжо служебником своим неказал въ их домех становитиея и на то есмо им дали сес наш листъ знашою печатью

Псан у городне Map въ (12) днь индик i (10) прв во трц дер мозр пн ол мар кгаштолтъ. Копоть мар и писар. (Подлин: пергам. пегатъ отпадшая).