/166/
      Жикгимонт божю млтью корол полски велики кнзь литвски руски кнжа пруское жомоитски и иныхъ.

      Чиним знаменито сим нашим листом хто на него посмотрит або чтучи его вслышит ннешним и потом будучим кому будеть потреб того вѣдати били нам чолом воит мѣста троцкого и бурмистры и радци и вси мещане как римского закону так кгреческого и жидова вся троцкая и повѣдили перед нами иж они велми субожали и немають /167/ счого собѣ поживенья мѣти и для того многии мещане з мѣста розышлися проч и многии домы пусты лежать и били нам чолом абыхмо для их вспоможеня дали им у троцех два ярмарки на году мѣти в тыи дни в которыи они собѣ зволять И которыи бы купци зъ отчизны нашое великого кнзьства литовского або чужоземци к ним до троков............ быхмо купцом. гостю з гостем дозволили там вмѣсте троцком доброволно торговати безмытно Ино мы бачачи упад и убожство их И теж для успо.....того мѣста нашого троцкого и к тому на их чолом битье то вчинили дали есмо им вмѣстѣ нашомъ троцкомъ два ярмарки на году мѣти И тые два ярмарки к тому мѣсту нашому потвержаемъ сим нашимъ листом вѣчно и на вѣки непорушно мають они тамъ у мѣсте троцком два ярмарки на году мѣти в тыи дни в которыи они собѣ встановять И которыи купци спанства нашого великого кнзьства и теж чужоземци тамъ к нимъ до троков приедуть тыи купци гости з гостем.......в троцех межи собою торговати доброволне безъ всякого мыта A купци вси з вилни до ковна a с ковна до вилни мають ездити, великою дорогою на троки a иными дорогами немають там ездити A на твердость того и печать нашу казали есмо привѣсити к сему нашому листу Притом были панове рада Кнзь воитѣх бискуп виленски воевода виленски канцлѣр пан миколай миколаевич радивиловича Пан виленски гетман навышыи староста луцки маршалок волынское земли кнзь костянтин иванович острозски Воевода троцки маршалок дворны пан григореи станиславович остиковича воевода новгородски пан ян янович заберезынски воевода подляшьски маршалок и секретар державца бряславски пан иван семенович сопѣга.

Писан у вилни лѣта божего тисяча пять сот шостого надцат мца августа девятого дня индикта четвертого. Nicola Nicolai Radivil Palat Vilnen et ma: d: lithuanie can SSzt. Копоть васкович Писар. (Подлин. пергам. привешен. печать отпадшая)