/168/
      Жикгимонт август Божю млстю корол полскии вѣликии княз литовскии рускии прускии жомоитскии мазовецкии и иных.

      Воеводе троцскому державцы лидскому василишьскому белицкому и сомилишскому пану миколаю юревичу радивилу a внебытности его млсти самого вряднику его млсти троцкому и иным воеводамъ хто и на потом будет тот замок троцкии от нас держати, жаловали намъ воитъ и бурмистры и рядцы и мѣщанѣ подданые нши места троцкого як римског закону так и гречешского и жидова о том штож дей коли которых гонцов нашыхъ мы где посылаемъ ино дей они заеждчаючи до того места ншого троцского подводы вних берут и тяжкости имъ вѣликии делають a передъ тым дей они николи стого места подьводъ под гонцов ншыхъ недайвали На штож привиля предков и отца нашого славное памети кролей их млсти в себе мают вкоторых оны от даваня подвод под гонцы вызволены сутъ, теж дей некоторый татаре втомъ месте троцкомъ торгуют и торгомся обыходят a серебщизны и иншихъ некоторыхъ поплатов городовых сними платити нехотят, И били намъ чолом абыхмо ихъ втом водле привилевъ и твердостей предков и отца ншого славное памети и теж подле обычаю стародавного заховали ино кгдыж они от даваня подвод на привилехъ предков и отца ншого суть вызволены твоя бы млсть пне воеводо a внебытности его млсть самого тобе наместнику его млсти троцскии приказуемъ ажбы еси тым гонцом ншимъ которыи бы колвекъ до места троцского заеждчали приказал жебы оны черезто подвод внихъ небрали и никоторое тяжкости втом им нечинили, a пак либы они предся своволенством своим хотѣли которыи подводы внихъ брати твоя бы млсть тыхъ подданых ншихъ моцно втом от них боронил абы они над привиля твердости свои жадное трудности втом неприимовали так теж и тым татаром которыи вместе будутъ торговати и торгомся обыходити казалбы твоя млсть серебщизну и иншии поплатки посполу сними платити жебы тое место наше тяжкости никоторое втом немело /169/ и для того ку убозству неприходидо Псан у вилни под лет бож нарож (1552) мца октбръ г (13) день. (Подписано:) Ермогенъ писарь.

(Подлин. нa бумаг, притисн. печатъ В.К.Л.)