/169/
      Жикгимонт август божю млстю корол полски велики княз литвски руски пруски жомоиски мазовецки и иных.

      Наместнику троцкому размусу богдановичу довкгирду жаловали намъ подданые наши жидова места нашого жосленского мордухаевич еско косилович нахимъ есковичь з братомъ своимъ симъхою еско гошенкович илькана исаковичь йлья хиелевич еско аврамович южва аврамович a еско аврамовичь исакъ мордухаевич илья мошеевичь хананъя нахимовичь o том штож дей ты безвинне званившися наних отповеди й похвальки имъ самимъ через себе й через слуг своих чинишь и на здорове стоишь хотячи их o горло приправити для которых дей отповедей и похвалокъ твоих они здоровя своего от тебе несуть безпечни. и били намъ чоломъ абыхмо имъ втом от тебе закладомъ нашимъ оборону вчинили прото будеть ли такъ яко они намъ жаловали, приказуемъ тобе под закладомъ нашимъ на кождого сних особы по триста копъ грошей абы еси имъ никоторых отповедей и похвалокъ нечинил и на здорове ихъ нестоял словомъ ани рукою на них несегалъ и в томъся книмъ спокойне заховал под тымъ закладомъ нашимъ вышей описанымь абылол бы до них которое дсло ты бы их в томъ перед нами гдремъ або перед врядомъ двора ншого жосленского правомъ уживал писанъ у вилни лет бож нарож (1555) мца Августа л (30) дня. (Подписалъ) Ян шимкович маршалок и писар.

(Подлин.на бумагѣ, притисн. печатъ В.К.Л.)